The University of Stellenbosch asked for tenders to develop some of their property for student accommodation and that lead to this press release:

MEDIA VRYSTELLING - 22 September 1998
Ten spyte van beskikbare akademiese kapasiteit is die Universiteit van Stellenbosch jaarliks genoodsaak om groot getalle verdienstelike studente weg te wys weens 'n tekort aan huisvesting. Die voorsiening van bykomende studentehuisvesting het dus noodsaaklik geword. Die Raad van die Universiteit het gevolglik op 21 September 1998 die oprigting van 'n behuisingsprojek om ongeveer 600 studente te akkommodeer in beginsel aanvaar.

Die raad van die Universiteit van Stellenbosch het mnre Syfin aangestel om 'n R50-miljoen studentebehuisingskompleks teen November 1999 op 'n terrein van ongeveer 3,5 hektaar net oos van die huidige Fakulteit Ingenieurswese op te rig.

Die voorlopige voorstel is gedoen met inagneming van 'n omgewingsimpakstudie wat deur Dr Johan Neethling uitgevoer is in konsultasie met kundiges op die gebied van natuurbewaring sowel as met verteenwordiges van die naasliggende woonbuurt. Die impakstudie het daartoe gelei dat 'n bufferstrook langs die Duthie-reservaat en langs Banghoekweg geidentifiseer is om enige moontlike impak op die reservaat en die omliggende woonbuurt te beperk.

Volgens die raadsbesluit sal die ontwikkelaar in samewerking met die Universiteit se Afdeling Fisiese Beplanning, en met insette van belanghebbendes, 'n finale voorstel vir goedkeuring aan die Raad voorlé.

Die Universiteit nooi alle belanghebbendes om 'n openbare vergadering by te woon om die ontwikkelingsvoorstelle te besigtig en om insette oor die ontwikkeling te lewer.

Mnr Hans-Peter Bakker, Hoof: Kommunikasie